عەزیزم ڕۆحی شیرینم دوو چاوم
لە کتێبی:
دیوانی نالی
بەرهەمی:
نالی (1800-1877)
1 خولەک
5040 بینین
عەزیزم، ڕۆحی شیرینم، دوو چاوم!
دەوای زامی دڵ و جەرگی بڕاوم!
ئەتۆ شا، من گەدا، دادم بپرسە
لە زوڵمی چاوی بیمارت کوژاوم
ئەگەر نەیدەیتە دەس خۆم قاتیلی خۆم
لە ڕۆژی ئاخیرەتدا بی پێناوم
دەسا لادە سەری زوڵفت لەسەر ڕووت
کە ڕووتی ڕووتم و مایل بە تاوم
لەباتی خوێنی خۆم ڕازیم بە ماچێ
دەسا بیدە هەتا زیندووم و ماوم
ئەوا نیشانەیی مەرگم عەیانە
کە من غەرقی خەم و خوێن و زوخاوم
مەکەن مەنعم لە شیوەن ئەی ڕەفیقان!
کە مەحزوون و غەمین و دڵشکاوم
لە ژینی خۆم ئومێدم قەتعە نالیناسناوی ئەدەبی!
کە سووتاوە هەموو جەرگ و هەناوم