بابەتی٢٥
هەیئاتی نوێژ
لە کتێبی:
بارانی ڕەحمەت
بەرهەمی:
مەلا عەبدولکەریمی مودەڕیس (1901-2005)
1 خولەک
711 بینین
پێی ئەڵێن هەیئەت لەسەر ئیستیلاح
لەپاش تەحەڕڕوم دوعای ئیفتیتاح
«اللّه اكبرعەرەبی» لەبۆ ئینتیقال
زیکری ڕکووع و سوجدە و ئیعتیدال
هەم لە هەیئاتە هەردوو دەستەکان
بەرز بکەیتەوە تا عاستی سەر شان
بەری ئەوانیش ڕوو لە قیبلە بێت
کاتێ تەکبیری تەحەڕڕوم ئەڵێیت
کاتی دانەوین بۆ ڕوکنی ڕکووع
کاتی ئیعتیدال بە وەزعی مەشرووع
لە تەحیاتی ئەووەڵ کە هەستای
دەست بەرز کەرەوە کاتێ ڕاوەستای
جەهر و ئەسراریش هەرکام وەختی خۆی
هەیئەتی نوێژە، ئاگاداربە بۆی
سوبح و مەغریب و عیشا ئاشکران
عەسر و نیوەڕۆ سیڕڕین و پەنهان