عارەقی سەر کوڵمە یا ئاونگی سەر پەڕەی گوڵە
لە کتێبی:
دیوانی ئەوڕەحمان بەگی بابان
بەرهەمی:
ئەوڕەحمان بەگی بابان (1880-1967)
1 خولەک
1157 بینین
عارەقی سەر کوڵمە یا ئاونگی سەر پەڕەی گوڵە؟
تک تکی ڕشتەی دوڕڕ و یاقووتە، گەردانەی ملە
پەرچەمە کەوتۆتە سەر ڕوخساری ئاڵی پەنبەیی
یا لە باخی ئەرخەوانیدا وەنەوشەی سەر چڵە؟
خەتی تازەی دەوری لێوە، یا لە گوڵزاری ڕووا
حەلقە حەلقە دەوری غونچەی داوە دەستەی سونبولە؟
ناڵە ناڵم هاتە گوێ، پرسیم لە شانە، پێی وتم
پەرچەمی ئەم شۆخە، نازانی: کە زیندانی دڵە؟
ئەم بەر و ئەو بەر قەنارەی جەرگ دڵ بوو ڕێگەکەی
دەرسی قەسابی ئەخوێنێ ئەم هەتیوە سەر چڵە
سەیری میحرابی برۆم کرد و کەوانی خستە کار
تیری موژگانی لە جەرگم دا؟ دەرونم کاولە
پێی ئەڵێم: بۆ چی بە ناحەق کوشتمت جورمم چ بوو؟
پێم ئەڵێ بابەناسناوی ئەدەبی ئەجەل هێنایتیە ئەم خاک و گڵە