ئەی مەسیحالەب بە چاوی تۆ عیلاجم چوو لە دەس
لە کتێبی:
دیوانی سابیری
بەرهەمی:
سابیری (1881-1944)
1 خولەک
850 بینین
ئەی مەسیحالەب بە چاوی تۆ عیلاجم چوو لە دەس
بۆ خودا ڕۆژێ نەهاتیتە سەرینم یەک نەفەس
من کە مردم دێیە سەر قەبر و جەنازەم شین ئەکەی
فائیدەی چی ئاوڕشێنی خاک و خوڵ و خار و خەس
بولبولی دڵ بۆ گوڵی ڕوخسارەکەت ئەی غونچەلەب
شیوەن و زاری دەکا هەروەختە بشکێنێ قەفەس
حەز لە یاری و تێکەڵی ئەغیار ئەکەی وەجهی چییە؟
دەفعەیێ بۆ جانبی یارانی خۆت ناکەی هەوەس
کۆمەڵی بێگانە دائیم مەستی عەیش و عوشرەتن
دوور لە تۆ بۆ ئێمە هەر شینە لە جێگەی شەوچەرەس
دەستی من کۆتاهـ و خورما بەرز و باڵای ئەی خودا
تۆ سەبەبسازی بکەی ڕۆژێ کە خورما بێتە دەس
سابیریناسناوی ئەدەبی تۆفانی چاوی پڕ بە عالەم مەوج ئەدا
زۆر نەماوە کێوی عومری دوور لە تۆ بێنێ هەرەس