بە خۆری ڕوومەتی چاوی گەلاوێژ
لە کتێبی:
دیوانی سابیری
بەرهەمی:
سابیری (1881-1944)
1 خولەک
1001 بینین
بە خۆری ڕوومەتی چاوی گەلاوێژ
بەجارێ عالەمی گێڕا بە شەوگێژ
بە مانگی ڕوومەت و چاوی گەلاوێژ
موسوڵمانان عیلاجێ بوومە شەوگێژ
هەموو عالەم ئەسیر و زامدارن
بە داوی زولف و تیری چاوی خوێنڕێژ
ئەوا کردم لە داوی زولفی دەرچووم
بۆ کوێ ڕاکەم لە ترسی چاوی خوێنڕێژ
نەهاتی دەفعەیێ دەردم دەواکەی
وەسییەت بێ وەرە قەبران و بمنێژ
لە ترم و تار و تیرت تێر نەبوومە
بە کاوی دڵ بە چاوی تۆ بهاوێژ
بە غەمزەی چاوی دڵ تەسکینی نایێ
وەکوو بیستووتە بۆتە بەرخی لامێژ
خودا بەختی بڵیندی دا بە ئێوە
بە ئێمە دەستی کورت و تالیعی لێژ
نەهاتیتە سەر ئەم ناساغە جارێ
کە مردم بێرە سەر گۆڕەکەم بمنێژ
مەپرسە سابیریناسناوی ئەدەبی چۆنە لە دووریت
پەرێشانە بە وێنەی ئادەمی گێژ