تا بە کەی قوربان لە دووریی تۆ بکەم فەریاد و داد
لە کتێبی:
دیوانی سابیری
بەرهەمی:
سابیری (1881-1944)
2 خولەک
1077 بینین
تا بە کەی قوربان لە دووریی تۆ بکەم فەریاد و داد؟
تەن نەخۆش و بێ حەکیم و دڵ حەزین و ناموراد
یا خودا ئەم دەردە بێ دەرمانە تووشی کەس نەبێ
دوشمنانیشم نەکەی وا موبتەلا ربُ العِبادعەرەبی
دەردەدار و بێ دەوا، خۆم تابیعی نەفس و هەوا خۆم
موستەحەققم بێ کەوا، خۆم کردە جەوتی بەد نەژاد
چوو بەزایە گەنجی عومرم، لەم مەراقە چاکە بمرم
ڕۆژ ئەڵێی سەرخۆشی خەمرم، شەو لە خەودا وەک جەماد
ئاخ لەدەس نەفسی لەئیمە تابیعی دێوی ڕەجیمە
لائیقی ناری جەحیمە تابیعی فیسق و فەساد
نەفسی ئەممارە هەمیشە خواردنی لێ بۆتە پیشە
پێم ئەڵێی قەت دامەنیشە بۆم پەیاکە نان و زاد
بۆم پەیاکە چای و شەکرە، ماڵی زەید و عەمر و بەکرە
هێندە حەییال و بە مەکرە، ئابڕوومی دا بە باد
چاو قبووڵیم بۆ پەیاکە تەرکی ئیمان و حەیاکە
ڕوو لە جەردەی پادشاکە بێنە هەرچی باد باد!
بێنە قاورمە بەچەوری، پڕ پیاز و پڕ بە دەوری
نانی گەنم بێ لە دەوری، گەرم و نەرم و بێ ڕەماد
ماڵ و عومرم چوو بەزایە، باعیسی نەفس و هەوایە
یاخودا سا پایە پایە بێمەوە سەر ڕێی ڕەشاد
سابیریناسناوی ئەدەبی پیری و فەقیری گەرچی نەقسن بۆ موجاهید
بۆ شکاری نەفسی ڕێوی جووتە شێرن بۆ جەهاد!