لە دنیادا دڵ ئارامێک و ئارامی دڵێکم بوو
لە کتێبی:
دیوانی مەحوی
بەرهەمی:
مەحوی (1836-1906)
1 خولەک
3747 بینین
لە دنیادا دڵ ئارامێک و ئارامی دڵێکم بوو
بە جارێ ماڵی وێرانم، ئەمیشم چوو، ئەویشم چوو
خوێنی دڵ لە بەر چاوم نەبێ تا کەی ڕەوان ئاخر!
ئەوا ڕۆیی لە بەر چاوم ئەوی ڕۆحی ڕەوانم بوو
چ حاڵە! قوڕبەسەر حەتتا بە حاڵم پێکەنینی دێ
بە دەست ئەتواری تۆوە قوڕبەسەر خۆم، ئەی دڵەی بەدخوو
دڵ و دڵبەر لە یەک بەدخووترن، سا من خودا چ بکەم؟
فلا المحبُوبُ يرثي لي، و لا القلبُ الشّجى يسلُوعەرەبی
لە ڕۆژێکی کە ئەو گوفتار تووتی کەبک ڕەفتارە
لە من غایب بووە، هەر ناڵەمە وەک کۆتری حاقوو
چ ڕۆحێ کوشتەی ئەو باڵایە، قومری داری تۆبایە
فيا طُوبى لقوم في سبيل الحُب هم ماتُواعەرەبی
لە دووری ئەو کوڕە فرسەتتە با زوو بمری ئەی مەحویناسناوی ئەدەبی!
مەبادا بێتەوە بۆ کوشتنی تۆ ڕەنجە کا بازوو