بە لێوانی برین دەگرم دەمی تیغی دەوەستێنم
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
308 بینین
بە لێوانی برین دەگرم دەمی تیغی دەوەستێنم
بە قەد خوێنم هەتا ئاوی حەیاتی تازە دەستێنم
شەوی فیرقەت بە پەیغامی نیگای ئاوی بە ئاگردا
بە پشکۆی ئەشکی خوێنی گەش دڵی عالەم ئەبرژێنم
لە ئاتەشبازیا ئەمشەو دڵم دەیوت بە پەروانە
بە ئاهێ حەز بکەم تاجی سەری شەمعت دەسووتێنم
برۆ و زلفت یەکی نەوعێ دەکەن تەڵقینی ئەم خەڵقە
بە دینت ئینتخابم بۆ بکە ئیمان بە کێ بێنم
میسالی مەوجی دەریا دڵ لە هات و چۆیی لێوایە
ئیجازەی بۆسەیێ نادا هەتا زوو ئەستۆ بشکێنم
ڕەقیب ناچێتە خەو تا لەحزەیێ بەختم لە خەو هەڵسێ
لە دەوری فیترەتا ماچێ لە لێوی بەڵکە بفڕێنم
قەدەحبازی دەکەن غەرقی نیشاتن ڕۆح و دڵ ئەمشەو
کە فەرموویە سبەینێ زوو خوێنی حەمدیناسناوی ئەدەبی دەڕژێنم