فەلەکا بێ بەخت
لە کتێبی:
باهۆز
بەرهەمی:
عوسمان سەبری (1905-1993)
4 خولەک
1037 بینین
فەلەکا بێ بەخت شکاند دارێ من
نەما کەس روونشت ل بەر ئارێ من
ژ دو هەزار سال هەیا ب ئیرۆ
ئازادی نەما د ناڤ وارێ من
زۆرکەرێن بێ باڤ ب فەند و خاپان
د بەرهەڤ خستن دۆست و یارێ من
قەنج و چاکێن من تەڤ دانە کوشتن
قەلاندن رچا کارگوزارێ من
سەرەک و رێبەر د وەلێت نەمان
ل ئەردێ هشتن کۆچ و بارێ من
ژ هەڤ پەرچە بوو کوردستانا گەور
کەت ناڤا دەستێ چار نەیارێ من
کرنە گونەهـ ب کوردی پەیڤین
وان دڤێ راکن زمان، زارێ من
دەولەمەندێ من هاتە شێلاندن
ژ وەلێت دەرکەت تەڤ زیڤارێ من
ئەو کەسێن کو خوە مەزن دناسین
رۆژا تەنگ نەبوون بەندەوارێ من
چەند هەب ژ وانا مابوون د مەیدان
ئیرۆ تەڤ رەڤین ژ بەر بارێ من
هنەک ژ وانا بێ شەرم و فهێت
ب دەستێ نەیار بوون سیمسارێ من!
دخوازن ئیرۆ ب هیزەبوونی
ب دەرخن کوردان ژ بەر کارێ من
قڕاک، تۆت و توند کەتن وارێ من
کۆلەیێن کۆلی کۆلیدارێ من!
ژ خەینی فەلەک من هەنە نەیار
ل دۆرا وەلێت بوونە چارنکار
چاڤ دانە دیلی، بندەستییا من
ب زۆرێ هیشتم بێ زمان و زار
بەرێ رابوون مە ترکێن توورانی
عەجەمێن گوهپێل... بێوار
هەرچی ل ئیراقناوی تایبەت و ئیرانناوی تایبەت بوویی
دهێلم ژ بۆ گۆرانناوی تایبەت و هەژارناوی تایبەت
دێ تەنێ بێژم کورت و سەرپلکی
کو چاوان ترکان خوینا مە خەوار
ژ ترکان سێ کەس خودان گونەهـ بوون
«کەمال ئاتاتورکناوی تایبەت»، «عیسمەتناوی تایبەت» و «بایارناوی تایبەت»
د ناڤ سی سالی ژ گەرناسێن کورد
سێ هەزار مێرخاس شاندنە بەر دار
ژ دێرسمناوی تایبەت، ساسوونناوی تایبەت، گەلیێ زیلان
پرانناوی تایبەت و لجەئە، رەشکۆتناوی تایبەت، پەنجینارناوی تایبەت
مادەنناوی تایبەت و هێنناوی تایبەتێ، کۆتۆلناوی تایبەت و هیزانناوی تایبەت
مردێسناوی تایبەت و بۆتانناوی تایبەت، ڤارتۆناوی تایبەت و خزخارناوی تایبەت
ژ مووشناوی تایبەت و بدلیسناوی تایبەت، خارپێتناوی تایبەت، هەزاررۆمناوی تایبەت
ژ سێرتناوی تایبەت و وانناوی تایبەتێ، ئامەدناوی تایبەت و حەکارناوی تایبەت
دو سەد هەزار کەس ژ مە دان کوشتن
هنەک سەرژێ بوون وەک پەز و دەوار
ژ ڤێ ژمارێ مەزن، بچووک، ژن
ب ئاگر سۆتن بیست و دو هەزار
شێست و چار هەزار هنارتن سورگوون
هنەک ژێ مێرخاس، هنەک ژێ مالدار
ئەڤ هەمی ژ بۆ چاڤترساندنێ
هەیا حەقێ خوە نەخوازن یەکچار
لێ ڤان کرانا ئەم نەترساندن
کەسین ب روومەت ناترسن توجار
قڕاک تۆت و کوند کەتن وارێ من
تورکێن وەحش و هۆڤ کۆلیدارێ من
پڕ کوورە رچا شوورەشا کوردان
هۆلێ سەرپلکی نایێ سالخدان
تەنێ دخوازم رووپەلێن پێشین
کورتەبڕ بێژم د ناڤ ڤان خێزان:
بەری هەر کەسی ئالا خوە هل دا
تەڤ لەشکەرێ خوە «جەنەرال ئیحسان»
لێ دەما فەلەک بەری ژێ گوهارت
داکەتە ئیراق ڤالا هیشت مەیدان.
پشتی وی رابوو «شێخ سەعیدناوی تایبەت»ێ کال
تەڤ عەشیرێن کورد داکەت ژ پیران
بەگێن مالکامباخ، ئاغایێن بێ بەخت
بوون دەستێ نەیار ل سەر پشتا وان
پشتی چار مەهان ب شەڕێن خوونریز
کەت ناڤا لەپێ لەشکەرێ ترکان
کو شەرێ لەهەنگ ب دلەکی خورت
دارڤە بوو دگەل چل و هەشت مێران
لێ ئاگرێ کو شێخ سەعیدناوی تایبەت دادا
جهـ جهـ ڤێدکەت ل دەشت و چیان
جهەک ژ ساسوونناوی تایبەت، جهەک ژ ئاگریناوی تایبەت
هێلەک ژ سەرحەدناوی تایبەت هەیا ئەرزنجانناوی تایبەت.
داویا گشکا رابوو ژ دێرسم
«شێخ سەید رەزاناوی تایبەت» سالا سی و هەشتان
ژ بەر کو نەبوون ژێ رە ئالیکار
پێ نەبوو هلدە گرانبارێ هان
پشتی گەلەک شەڕ، کوشتن و مرن
ئالا شەڕ داخست خوە سپارت ترکان
تەڤی خەلکێ خوە بوو دیل و بندەست
خورتەمێر کوشتن، قەلسێ وان بەردان
چیڕۆکا شوورەش گەلەکی درێژ
تێر ناکن ژێ رە ئەڤ رووپەلێن هان
ژ مە تێ خوەستن دڤێ ببیرن
هەردەم ڤێ یەکێ بدن بەر چاڤان
قڕاک تۆت و کوند کەتن وارێ من
چێژکێن جەنگیزناوی تایبەت کۆلیدارێ من