سەرم شێواوی شێوەی پەرچەمی پڕ پێچ و تاتاتە
لە کتێبی:
دیوانی کەمالی
بەرهەمی:
کەمالی (1886-1974)
1 خولەک
592 بینین
سەرم شێواوی شێوەی پەرچەمی پڕ پێچ و تاتاتە
حەواسم تەفرەقەی پێچ و خەمی زوڵفی چلیپاتە
وجوودم دائیمە مەحوی خەیاڵی تۆیە ڕۆژ و شەو
سەراپام هەر وەکوو ئاوێنە سەرسامی سەراپاتە
بەهاران بۆیە دائیم هەر تەوافی نێرگزە پیشەم
کە چونکە ئەو شەبیهی دیدەیی مەخموور و شەهلاتە
لە ناو باخا کە وەختێ سەرو ئەبینم بۆی ئەبەم سوجدە
بە بەرزی و سەرکەشی چونکە شەبیهی قەددی ڕەعناتە
بە یادی چاوی مەستی تۆیە ئەی شۆخی پەری پەیکەر
کەمالیناسناوی ئەدەبی وا هەمیشە نیشتەجێی گۆشەی خەراباتە