زەوی ڕازی خۆی ئاشکرا کا ئەگەر
زەمین
لە کتێبی:
دیوانی کەمالی
بەرهەمی:
کەمالی (1886-1974)
1 خولەک
545 بینین
زەوی ڕازی خۆی ئاشکرا کا ئەگەر
ئەوەی وا لە دڵیایە بیخاتە دەر
ئەبینی لە شیرین سواران پڕە
لە شاهەنشەهـ وتاجداران پڕە
پڕی مەردی زانایی دەریا دڵە
پڕی نازەنینانی ڕوومەت گوڵە
بە سەر خاکی ئەم شەهریارانەدا
بە سەر ئەم هەموو گوڵ عوزارانەدا
تکایە برای خۆشەویست و عەزیز
بە سەریا مەڕۆ تۆ بە دەعیە و بە فیز
کە ئەم خاکە گۆنایە، لێوە، دەمە
خەت و خاڵە سینە و برۆ و پەرچەمە
زەمانێ ئەمانیش لەسەر ڕووی زەمین
گەڕاون بە کامی دڵ و پێکەنین
بە دەردی دڵی زویر و خەمناکەوە
لە پاشان هەموو چوونە ژێر خاکەوە