ئەگەر تەشریف بهێنێت نایەڵم پێ بنێیت بە سەر خاکا
لە کتێبی:
دیوانی کەمالی
بەرهەمی:
کەمالی (1886-1974)
1 خولەک
603 بینین
ئەگەر تەشریف بهێنێت نایەڵم پێ بنێیت بە سەر خاکا
گوڵ و ڕێحانە و نێرگس ئەنێژم من لەسەر ڕێتا
لەبەر پێی پادشادا مەڕ سەڕ ئەبڕن خەڵکی بۆ حورمەت
ئەگەر ڕەحمت ببێ و بێیت خۆم سەر ئەبڕم من لە بەر پێتا
بڵێ بەو باغەوانە کافرە با ڕێم بداساتێ
بگێڕم دەست لە باخی پرتەقاڵ و سێو و هەرمێتا
ئەگەر چی پیرم ئەمما ئەبمەوە لاوێکی تازە و جوان
لە باخەڵتا شەوێ گەر بمخەوێنیت تۆ لە ناو جێتا