ئۆف خودا ئەم جەژنە بۆ حاڵی غەریبان ماتەمە
لە کتێبی:
دیوانی سالم
بەرهەمی:
سالم (1800-1866)
1 خولەک
502 بینین
ئۆف خودا ئەم جەژنە بۆ حاڵی غەریبان ماتەمە
با وجوودی زەوقی مەردوم خاتری من پڕغەمە
ڕەسمی عیدم سیبی غەبغەب بوو لە جەژنی پارساڵ
حەسرەتا لەم جەژنەدا عیدانە و عیدیم هەمە
جەژنی ئەمڕۆ فەسڵی سەحرا و زەوقە یاران ئەی عەجەب
دڵ لە سەحرای سینەما مەشغووڵی شین و ماتەمە
گەر مەلالی حەسرەتی ئەم جەژنە زاهیر کەم لە دڵ
ساحەتی غەبڕایی دەوران بۆ مەلالی من کەمە
دڵ لە گەم مەزبووحوار و دیدە جەشنئارایی ڕوو
ئارێ ئارێ جەژن و قوربانی لە هەر سوو باهەمە
سوبحی عیدی مەردومە فەسڵی نەهار و شەهد و سوور
سالمناسناوی ئەدەبی ئێستە من حەقیقەت سوبحی فەقر و فاقەمە