لە تەرەف یارەوە نۆبەی نەزەرە
لە کتێبی:
دیوانی سالم
بەرهەمی:
سالم (1800-1866)
1 خولەک
659 بینین
لە تەرەف یارەوە نۆبەی نەزەرە
ئەی دڵ ئامادە بە خوێنت هەدەرە
گەهی کین زەهرە ئەگەر هەر نیگەهی
عوزری مەسمووعە کە لێوی شەکەرە
تەشتی پڕ خوێنە بەدایم سینەم
تا موژەت بۆ ڕەگی دڵ نیشتەرە
وەزنی یەک بۆسە و جورمی سەر و جان
لە تەرازوویی ئەوا سەربەسەرە
سەری ئەنگوشتی دەبێتە نەیی قەند
دەستی هەر کەس لە میانت کەمەرە
وەسڵی ئیکسیرە وەلێ زەحمەتە بێ
قامەتی سەروە وەلێ بێ سەمەرە
بۆ کەسێ سوحبەتی مەعشووقی نەبێ
حاسیلی هەر دوو جیهان دەردیسەرە
تالیبی وەسڵی کەسێکم بە دوعا
وەسڵی فیردەوس و فیراقی سەقەرە
وەختی خەندە و نیگەهـ و عیشوەیی یار
سالمناسناوی ئەدەبی ئەر زەبتی نیگەهـ کا، هونەرە