دا بێنە بە پەهلوویی ڕوخا حەلقەیی گێسوو
لە کتێبی:
دیوانی سالم
بەرهەمی:
سالم (1800-1866)
1 خولەک
1006 بینین
دا بێنە بە پەهلوویی ڕوخا حەلقەیی گێسوو
مەتبووعە بە ئەترافی گوڵا سونبولی خۆشبوو
ئەندازەیی حەوشی حەرەم و جیلوەگەریی یار
دێنێتە نەزەر دەشتی خەتا و ڕەمی ئاهوو
خۆ زوڵف و ڕوخی زیددی یەکن سیحرە کە سازان
خستوویەتە ژێر ماری سیەهـ دۆشەکی پشکوو
بۆ زوڵمی لە ئەندازە بەدەر وەک یەکی خولقاند
خەللاقی ئەزەل مەشرەبی تۆ و تەبعی هۆلاکوو
دەستم بە فەریبت کە شکا حەسرەتی ناخۆم
ئەڵبەتتە شکاندووتە دەبێ بیخەیە ئەستوو
حاسڵ لە یەکێکایە پەشیمانییە دوو مەیل
جێی نابێ لە کولبەی دڵما خەڵوەتی دووڕوو
مینا دڵیی و بازییی وەسڵت لە میانا
ئەو شیشەیە دەشکێنێ یەقین سالمناسناوی ئەدەبیی بەدخوو