هەڵپژا خوێن بە جگەرما دەمی غەمزەت لە زەمیر
لە کتێبی:
دیوانی سالم
بەرهەمی:
سالم (1800-1866)
1 خولەک
802 بینین
هەڵپژا خوێن بە جگەرما دەمی غەمزەت لە زەمیر
هاتە جونبوش کە بە ئاهم لە دەروونا پەڕی تیر
بۆ ڕەفوو کردنی چاکی دەمی شەمشێری برۆ
موژە تەردەستە لە دڵما وەکوو سووزەن لە حەریر
هەمەجا خوارکەشان تا بە لەبی چاهی زەنەخ
کافری دڵ سییەهی دیدە دەبا دڵ بە ئەسیر
تا تەڕەددودمە لەسەر سەفحەیی دنیا لە غەمت
بەس کەشاکەش لە گوزەرمایە وەکوو کلکی دەبیر
بۆ سروشتی بەدەنت ڕۆژی ئەزەل سانیعی کول
سافیی مرواریی و ماهیی بە یەکا کردە خەمیر
بە نیگاری عەجەمی شێوەیی تۆ نایەتە زەبت
تازەئامووختە کەی مەشقی دەگاتە خەتی میر؟
زیرە سەرمایەیە بۆ سالمناسناوی ئەدەبی و کرمانی دەبا
شیعری کوردی کە بدا جیلوە لەلای شێخی کەبیر