کە شێخ و واعیز و سۆفی بە جەننەت بەن گەد و گیپاڵ
لە کتێبی:
دیوانی مەحوی
بەرهەمی:
مەحوی (1836-1906)
2 خولەک
5202 بینین
کە شێخ و واعیز و سۆفی بە جەننەت بەن گەد و گیپاڵ
دەبێ ئەمسالی ئێمە بۆ جەهەننم بەن سڕ و سیپاڵ
بە دەرسی من نەشا والشمسعەرەبیی پاری تەلعەتت، ئەمساڵ
ئیجازەم دە موتاڵاکردنی واللیلعەرەبیی خەتت و خاڵ
لە چاوم خوێنی جاری کرد و هەم ڕەنگی لە ڕوو بردم
ئەم ئاشووبی دڵ و دینە بە لێوی ئاڵ و چاوی کاڵ
کە سەیری ئاینەی کرد و لە پاشان ئەم کەلامەی دی
وتی: من هەم بە بێ تیمسال و ئەم شیعرانە بێ ئەمسال
زوبانی واعیزی بێدڵ درێژە دەرحەق ئەهلی دڵ
بە جێشە، غەیری ئەو مل پانە کێ بێ هەڵگرێ ئۆباڵ!
کە ڕێی ئەو شاهە کەوتە ئەم مەقامە، جێ بە جێ هەستا
وتی: ئەم زاتە ساحێب حاڵە، حەیفە کەوتووە بێ حاڵ
چ خۆشە بەم هەموو عیسیانەوە یا ڕەببی بمبەخشی
ببەخشە، بگرە دۆزەخ خۆڵەمێشی کەم بۆ یەک مسقاڵ
بە بێ یارێ مەچۆرە مەعرەکەی ئەسفەندیاری نەفس
کە لەم مەیدانە دا هەر پیرە زاڵە ڕۆستەمی بێ زاڵ
بە غەمزەی نازەوە ئەو سەروی نازە کەی چووە گوڵشەن
کە نێرگس وا بووە چاوی سپی، سەروی بووە تۆپاڵ
کە بمرێ عاشقی زاری مەلائیک بێن و بیبینن
دەڵێن ئەم باقە چیلکە ناگرێ یا ڕەب بەرێ گۆپاڵ
سەماعی سازی عیشق و ڕێگە بۆ پاڕانەوەت مەحویناسناوی ئەدەبی
لە بەر قاپی تەڵەب بێ، گوێ دەبێ کەڕ بێ، زوبانت لاڵ