قەلەندەر

لە کتێبی:
دیوانی پیرەمێرد
بەرهەمی:
پیرەمێرد (1867-1950)
 1 خولەک  789 بینین
دەردی گرانی گرانیی کەم بوو
سەبوونی چلەی سووکی بۆ غەم بوو
هەناسەی ساردی دەمگەرمی گەرمام
ئیتر ناکەومە جێی گەرما گەر مام
ئەڵێن هوودڕە لەم شارەزوورە
کەری خستووە لەم شارەزوورە
هاوین هاودەمی مار و دووپشکین
لە بەشی ژارا خێوی دوو «پشک» ین
ئای بۆ تاڤگەکەی سەر ڕێگای بەڵخە
ئەو ئاوە ساردەی بێقەوزە و بەڵغە
هی واشمان هەیە بە یادی مەستان
ژووری زستانەی لێ بووە بە کوێستان