ئەو جەژنەی میللەت تێیدا کەساسە
لە کتێبی:
دیوانی پیرەمێرد
بەرهەمی:
پیرەمێرد (1867-1950)
1 خولەک
1137 بینین
ئەم پێنج دێڕەی خوارەوەشی بۆ ئەو شەهید و قارەمانانە وتووە، لە کاتی خۆیدا لە جەژنێکی قوربانا بە یادی ئەوانەوە بڵاوی کردۆتەوە.
ئەو جەژنەی میللەت تێیدا کەساسە
من سەرم شینە و بەرگم پەڵاسە
مەڕ سەربڕینە قۆچی قوربانە
قوربانیی ئێمە کچ و کوڕمانە
با گرتن تەمی ترسم لێ لابا
بریندار نەبێ شێر هەڵمەت نابا
کوڕگەل بە گاڵتە بڵێن بە دوژمن
کەوتن بۆ ئەوە و سەرکەوتن بۆ من
قوربانیی ئێمە زۆر پەسندترە
هی حاجی مەڕە، ئێمە کچ و کوڕە