فتحنامە نوشتن سلطان ضمیر به شهنشاه روح
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
1 خولەک
618 بینین
فەرماش بنویسە بە شەهەنشای ڕووح
ئەووەڵ مەسئەلەی فەتح کەر فتووح
«ثانياًعەرەبی» ئیقرار وەزیر کامیل
نە جەوف عەرزە تەمام کەر تەکمیل
«ثالثاًعەرەبی» ئەرجووم ئێدەن جە خاقان
«سريعاًعەرەبی» جەواب پەرێم کۆ ڕەوان
قەتڵ ئەممارە شکستەی سوپا
زەخم ئەزازیل یەکسەر کەرد ئەدا
فەرمان بی تەمام داشان بە چاپار
تەی کەرد مەنزڵان بێ سەبر و مدار
نامەش تەقدیم کەرد نە پای تەخت شا
ئەمرش کەرد وانان نامەی پڕئینشا
سوڵتان جە شادی خوڕڕەم کەرد خەیاڵ
کەردش سوجدەی شوکر زات بێ زەوال
هەم ئەدا کەرد شوکر بە حەمد و سەنا
هەم ئەسباب بەزم کەردش موهەییا
هەم پەی هەر ئیقلیم بەخشا بەشارەت
بە سەدەقەی نەزر هەم کەرد ئیشارەت
هەم خێزا نە بەزم زەمزەمەی تەقوا
هەم موزەییەن کەرد خەدەمەی دەرگا
هەم فەرما جە زەڕ توحفەی جەواهیر
حازر بی ڕەنگڕەنگ خەلعەت فاخیر
ئەوشەو شی نە بەزم خوابگەهـ سوڵتان
سەحەر نیشت نە تەخت فەرخوندە خاقان