مجلس آراستن سلطان ضمیر در چگونگی تسخیر سە اقلیم کە در حکم امارەء لعین بودند

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  563 بینین
سوڵتان زەمیر نە خەیمەگای وێش
زومرەی ئومەرا تەڵەب کەرد وە پێش
نە تەدبیر کار سازا ئەنجوومەن
چ تەور کۆ تەقسیم موڵک ئەهریمەن
بە کێ مەبۆ دەفع دێوان گومڕا
کێ مەکۆ تەسخیر ئەو موڵک عوزما
هەرکەس جە غووتەی فیکر وێش بی تەعب
هەرکەس کەرد تەقریر جە سەهل و جە سەعب
بە ئاخر وەزیر کامیل دا جەواب
عەرز کەرد نە حوزوور شای عالی جەناب
جە موڵک شەشەم سوڵتان بۆ یەقین
جاری کۆ ئەحکام نە تەرویج دین
سەر قورەناش بۆ نەفس کامیلە
بەری کۆ ئەفکار نە هەر غائیلە
تەوازوع دەبیر، ئیخلاس نەدیم بۆ
مەر ئەوسا یەقین نەوجا موقیم بۆ
نە موڵک هەفتەم عیلم بۆ خدێو
یاوەرش وەعز بۆ پەی تەسخیر دێو
نە موڵک هەشتەم سەخا سەردار بۆ
حیلم و شەجاعەت پێش مەدەدکار بۆ
جەمع وزەرا شای والا نگین
کەردشان بە ڕەئی وەزیر ئافەرین
سوڵتان زەمیر وەیتەور دان قەرار
تەڵەب کەرد دەردەم دەبیر ئەفکار