micils arastin siltan zimîr dir çigungî tisxîr se aqlîm ke dir ḧikim amare’ li’în budind
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
763 views
sułtan zemîr ne xeymegay wêş
zumrey umera tełeb kerd we pêş
ne tedbîr kar saza encûmen
çi tewr ko teqsîm mułk ehrîmen
be kê mebo defi’ dêwan gumřa
kê meko tesxîr ew mułk ’uzma
herkes ce ẍûtey fîkir wêş bî te’b
herkes kerd teqrîr ce sehil û ce se’b
be axir wezîr kamîl da cewab
’erz kerd ne ḧuzûr şay ’alî cenab
ce mułk şeşem sułtan bo yeqîn
carî ko eḧkam ne terwîc dîn
ser qurenaş bo nefis kamîle
berî ko efkar ne her ẍa’île
tewazu’ debîr, îxlas nedîm bo
mer ewsa yeqîn newca muqîm bo
ne mułk heftem ’îlim bo xidêw
yawerş we’iz bo pey tesxîr dêw
ne mułk heştem sexa serdar bo
ḧîlim û şeca’et pêş mededkar bo
cem’ wizera şay wala nigîn
kerdişan be ře’î wezîr aferîn
sułtan zemîr weytewr dan qerar
tełeb kerd derdem debîr efkar