timsîl
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
637 views
hay «derwêşPen name» ney ca goş der be exbar
neqłen ce ḧedîs ewlyay kîbar
ne ḧucrey xełwet yek «wilî alilhArabic»
bestebê dîdeş ne ḧubib dinya
dîdey îstîẍrab řay muratebe
kerdebê guşad ne muraqebe
řoḧiş ne teyran řiştey efkar bî
yek ḧeywan ce ’eyn qelbiş îzhar bî
semîn û letîf esp piř şikû
hem çîhreş řêş bî, hem dumş bê mû
be quwey efkar su’al kerd weneş:
mer to çêşenî weytewr muneqqeş?!
watiş: min dinyam weytewr ser’efraz
’alem pey řikûb min daro nyaz
watiş: mer dumit bê mû ne çêşen
pêşanît pey çêş weytewr we řêşen?!
watiş: ew kesan min kerdin metłûb
dumim dan pêşan ne cagey řikûb
ewkesan ke terk min kerd îxtyar
serimsawim lêş wenem bo swar
ne talîb ce min mebo şadkam
ne baẍîz min pey min bîyen řam
ta el’an pey kes nebyem be merkûb
me’îwsen ce min talîb û metlûb
«feqêPen name» kota ker ḧîkayey teḧrîr
temam ker ewsaf sułtan zemîr