راهی شدن سلطان مجازی
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
1 خولەک
553 بینین
تەڵەب کەرد سوڵتان نەفس مولهەمە
کەردش وە پێش جەنگ فیتنەی سەدەمە
سی هەزار سوار بەردش چەنی وێش
ڕاهی بی دەردەم بێ خەوف و ئەندێش
سوڵتان مەجاز وێش هەم جە عەقەب
ڕاهی بی چەنی سوپای پڕ غەزەب
کێشان عەڕڕابەی تۆپ زموورەک
نیشت نە زەلزەلە سەما تا سەمەک
جە خرۆش ئەسپ، فیل و مەنگەلووس
سەرزەمین پۆشا پەردەی عەبەنووس
جە سەدای ئوشتر، ناڵەی کەرکەدەن
نەمەند جە سەحرا وەحش ئەهریمەن
شێران جە بێشە، پڵنگان جە کۆهـ
فیرار بین جە بیم سوپای پڕ شکۆهـ
ڕاهی بین دوو کۆهـ جە پێش و جە پەس
دەنگ دا نە ئافاق زەلزەلەی جەرەس
مولهەمەی لەعین وە بێ واهیمە
جە حەدد و حودوود وە پا کەرد خەیمە
سەلام دا بە تۆپ جە ئەووەڵ شام
بە تۆپ ستانان جەواب سەلام