rahî şidin siltan micazî
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
713 views
tełeb kerd sułtan nefis mulheme
kerdiş we pêş ceng fîtney sedeme
sî hezar swar berdiş çenî wêş
řahî bî derdem bê xewf û endêş
sułtan mecaz wêş hem ce ’eqeb
řahî bî çenî supay piř ẍezeb
kêşan ’eřřabey top zimûrek
nîşt ne zelzele sema ta semek
ce xiroş esp, fîl û mengelûs
serzemîn poşa perdey ’ebenûs
ce seday uştir, nałey kerkeden
nemend ce seḧra weḧiş ehrîmen
şêran ce bêşe, piłingan ce koh
fîrar bîn ce bîm supay piř şikoh
řahî bîn dû koh ce pêş û ce pes
deng da ne afaq zelzeley ceres
mulhemey le’în we bê wahîme
ce ḧedid û ḧudûd we pa kerd xeyme
selam da be top ce ewweł şam
be top sitanan cewab selam