نوشتن فتحنامە بە پادشاه دل
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
1 خولەک
793 بینین
سەحەر بێدار بین بە شادی و خوڕڕەم
سەردار و وەزیر هەردوو چەنی هەم
هەردوو موشتەرەک عەریزە پەی شا
فەتح ڕەزمگای وێشان کەرد ئینشا
سپەردن عەرزە بە پەیک ئەفکار
ڕەوان بی ساعی بێ سەبر و مەدار
نامەش دا بە دەست سوڵتان دانا
کەردش سوجدەی شوکر جەمشید جەم جا
بە ئەمر سوڵتان عەرزەشان وانا
بە هەردوو سەردار ئافەرین وانا
دەریای شەوق شا جە سەفوەت دا مەوج
کولاهـ فەخرش یاونا بە ئەوج
ڕەوان کەرد فەرمان دەردەم شەهریار
فەتحنامەی شێران پەرێ هەر دیار
گەنجوور بە فەرمان جیهان پەناهی
گوشاد کەرد قاپیی خەزانەی شاهی
کۆ کەرد جەواهیر جە لەعل و یاقووت
جە فەیرۆزەی کان ئەڵماس و زمڕووت
جە ئەسلیحەی جەنگ، جە تیر و کەمەند
چەنی چەند ئەسپان خاسەی دڵ پەسەند