در بیان اوضاع گردون و صدمۀ روزگار
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
1 خولەک
696 بینین
هەر پوسەن بازار چەرخ واژگوون
کەسێ مەست مەی، کەسێ غەرق خوون
کەسێ ئاسوودەی تاج و دەوڵەتەن
کەسێ سەرگەردان سەحرای نەگبەتەن
کەسێ مەقامش تەخت شاهییەن
کەسێ تەعمەی شێر بەبر و ماهییەن
کەسێ ستارەی تەختش مەسێحەن
کەسێ قەید خاک بەختش قەبێحەن
دێشەو ئەلخەنناس دەماخش چوون بی
ئیستە وەیتەورە بەختش نیگوون بی
هەر ئێدەن فەریب ئوموور جیهان
گا فەتح و شکست، گا گریە و خەندان
نەمەند جە وەزیر و، سەردار دوود داغ
یاوا بە ئۆردووی وێشان بە دەماغ
عەد کەردن حیکمەت ئوموور فائیز
فەزڵ چوار نیعمەت جە هەر لەزائیز
ئەووەڵ جە دوشمەن ئەخز ئینتیقام
دووەم بە ویساڵ مەحبووب شادکام
سێیەم پەی شاهان حوکم عەداڵەت
چەهارەم وەتەن جە دما فیرقەت
ئەلحاسڵ ئەو شەو سوپای بێ حیساب
بە ئاهەنگ و عەیش شین نە جامەی خاب