nuştin fitḧiname be padşah dil
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
798 views
seḧer bêdar bîn be şadî û xuřřem
serdar û wezîr herdû çenî hem
herdû muşterek ’erîze pey şa
fetiḧ řezmigay wêşan kerd înşa
siperdin ’erze be peyk efkar
řewan bî sa’î bê sebir û medar
nameş da be dest sułtan dana
kerdiş sucdey şukir cemşîd cem ca
be emir sułtan ’erzeşan wana
be herdû serdar aferîn wana
deryay şewq şa ce sefwet da mewc
kulah fexirş yawna be ewc
řewan kerd ferman derdem şehryar
fetḧinamey şêran perê her dyar
gencûr be ferman cîhan penahî
guşad kerd qapîy xezaney şahî
ko kerd cewahîr ce le’il û yaqût
ce feyrozey kan ełmas û zimřût
ce eslîḧey ceng, ce tîr û kemend
çenî çend espan xasey dił pesend