rwan kirdin xili’ithay gunagun ba tiḧsîn û ti’zîm cihit wizîr û ’işq micazî
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
746 views
be wecih xel’et perê îftîxar
kyana perê wezîr û serdar
teḧsîn şêran awerd be řeqem
siperd be êlçî řewan bî derdem
xel’et şahî û musned ferman
yawa be ordûy te’cîl be dewan
yawa be serdar wezîr agahî
kerdin îstîqbał xel’et şahî
serdaran çenî êlçî be î’zaz
daxił bîn ne toy xeymey ’îziz û naz
ce toy xeymegah wanaşan ferman
kerdin ḧemd û şukir nî’met sułtan
ne text ’uşret nîştin be şadî
xêza zemzemey mubarek badî
be emir serdar, ře’îy wezîrî
řewneq dan we bezim badey ḧerîrî
ney ca dilêran binîşan be şad
elxennas şûm bawerîm be yad
ew řoj ce meydan şikist werd le’în
fîrar bî çenî supay kufir û kîn