اقلیم ششم اسمش سفینه‌ی نظام و پادشاه او نفس است
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
714 بینین
باوەر بە تەقریر ئیقلیم شەشەم
موڵک جە سیمەن پڕ زەرع و حەشەم
ئەو ئیقلیم و جا جە «بين العوامعەرەبی»
مەشهوورەن بە ئیسم سەفینەی نیزام
یەک شەهر عەزیم ئیسمش ئەمەلەن
مەعموورەش بە زەرع شەڕ موستەعمەلەن
کیزب، نەمیمی، حیرس، شەغەب و تەعەب
ئەفسوون و حیلە، ڕیا و لەهوو لەعب
حیقد و تەمەع و سیمعەت «خِلاعەرەبی»
شوحح و دەنائەت، هەم عوجب و هەوا
قەزا قەسەبەن پڕ زەرع و سەمەر
بەو شەهر ئەمەل مولحەقەن یەکسەر
نەفس ئەممارە نەوجا سوڵتانەن
ساحێب تەخت و تاج نوتق و فەرمانەن
غورووریش کەردەن بە سەر قۆرەنا
غەفڵەت بە ئەحکام ڕەئیس جەزا
جولووسەن نە تەخت ئەمەل شەهەنشا
غەیبەتەن یاوەر شای حیشمەت پەنا
یا حەق! غەیر جە تۆ نەداروون چارە
حیفزم کەر نە شەڕ نەفس ئەممارە
هەرچەند جە ئیقلیم شەشەم ئەسیرم
عاسی و پڕ گوناهـ، بەستەی زنجیرم
بە ئەڵتاف وێت حەیی جیهاندار
عەفوم کەر جە زەنب ئیقلیم چەهار
هەم بە فەزڵ وێت دانای پڕ کەرەم
سەر ئازادم کەر جە بەند شەشەم
«فەقێناسناوی ئەدەبی» دڵ نەی موڵک شەشەم بی ئیسبات
بەر موحەممەد بۆ هەردەم تەحییات