نصیحت مؤلف «و» توبیخ خود

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  535 بینین
«فەقێناسناوی ئەدەبی» تۆ عومرت بە شەست نزیکەن
هێمان ڕای حەقیق وەنەت تاریکەن
ها ئەعزات یەک یەک ڕوو کەرد بە سستی
هەنی کافییەن دونیا پەرستی
سەرف بی عومرت نە مەعرەکەی جەور
جەی بەند زنجیر، جەی مەزلەمەی دەور
قیاس کەر جە وێت بمانی سەد ساڵ
بە عەیش و نەشئەت بە فەڕڕ و ئیقباڵ
چون تۆ مەردەنی داری جە عەقەب
باقی مەمانی جە ڕەنج و تەعەب
حیفەن پەرێ تۆ ئەی شەرمساری
بتەرس جە عیقاب زات قەههاری
حەزەر کەر جە قەهر زات بێ ئەمسال
غەیورەن ئەسماء سیفات جەلال
جە حوزوور حەق چێشەن جەوابت؟
جە پای میزاندا چێشەن سەوابت؟
باوەر بە خەیاڵ تۆ ئەو ئیزدیحام
نازیرەن ئەو ڕۆ عالەم خاس و عام
مەکەر فەرامۆش نرکەی سەقەری
وێت مەکەر ڕیسوای زومرەی مەحشەری
«فەقێناسناوی ئەدەبی» شرح حاڵ باوەر بە ئەنجام
بەر موحەممەد بۆ سەلات و سەلام