nisîḧit mؤlif «û» tubîx xud
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
1 Xulek
803 Dîtin
«feqêNasnava edebî» to ’umirit be şest nizîken
hêman řay ḧeqîq wenet tarîken
ha e’zat yek yek řû kerd be sistî
henî kafîyen dunya peristî
serf bî ’umirit ne me’rekey cewr
cey bend zincîr, cey mezlemey dewr
qyas ker ce wêt bimanî sed sał
be ’eyş û neş’et be feřiř û îqbał
çun to merdenî darî ce ’eqeb
baqî memanî ce řenc û te’eb
ḧîfen perê to ey şerimsarî
biters ce ’îqab zat qehharî
ḧezer ker ce qehir zat bê emsal
ẍeywiren esma’ sîfat celal
ce ḧuzûr ḧeq çêşen cewabit?
ce pay mîzanda çêşen sewabit?
bawer be xeyał to ew îzdîḧam
nazîren ew řo ’alem xas û ’am
meker feramoş nirkey seqerî
wêt meker řîsway zumrey meḧşerî
«feqêNasnava edebî» şirḧ ḧał bawer be encam
ber muḧemmed bo selat û selam