گفتار در نوع ایمان
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
751 بینین
مەعلووم بۆ جە لای زومرەی عەزیزان
نەوعش سێ قیسمەن دەرەجەی ئیمان
ئەووەڵ تەقلیدی، دووەم ئیستیدلال
سییەم حەقیقیی فەرخوندە خیسال
تەقلیدی بێ کەسب ڕەنج ئوستادەن
حەرەکەش تەقلید ئابا و ئەجدادەن
جە فەرز و سوننەت ڕەسم موئەککەد
نەدارۆ خەبەر مەرد موقەللید
مەرد تەقلیدی هەرچەند موسلیمەن
ئەمما ئیمانش جای خەوف و بیمەن
جە ئیستیدلالی بکەروون بەیان
فەرز و سوننەتش مەزانۆ عەیان
ئەرکان یەقین سەندەن جە ئوستاد
بە ئوموور دین دارۆ ئیعتیقاد
هەم وێش شەرائیت دین مەکۆ ئەدا
هەم غەیر جە ئوموور دین مەکۆ ئاگا
ئەوکەس ئیمانش مەگێرۆ قووەت
قەلبش ڕەوشەنەن بە نوور سەفوەت
حەقیقی ئێدەن عالەم بە یەک بار
نە وجوود حەق بکەران ئینکار
نییەن تەشکیکش جە زات مەعبوود
یەقینەن جە لاش «واجب الوجودعەرەبی»
هەم یەقینش هەن جە زات و سیفات
جە قەزا و قەدەر حەققەن واقیعات
خاستەرەن حەقیق جە کولل ئیمان
ئەمساڵش ئیمان زومرەی ئەنبیان
ئەحکام شەرعی بەستەی عەمەلەن
ئیمان بە ئەحکام شەرع بێ مەدخەلەن
نمەبۆ قوبووڵ عەمەل بێ ئیمان
بێ عەمەل ئیمان مەقبووڵەن هەر ئان
خەسمان جە مەحشەر مەگێران عەمەل
ئەمما بە ئیمان نەداران مەدخەل
در حفظ ایمان گوید
جە تۆی پەنج قەلعە مەحفووزەن ئیمان
لازمەن هەر پەنج بکەروون بەیان
یەقین و ئیخلاس، هەم حیفز حەیا
هەم فەرز و تەکمیل سوننەت کەی ئەدا
هەر پەنج نە هەرکەس مەوجوود بی هەر ئان
نە شەڕ دوشمەن مەحفووزەن ئیمان
ئەر نەی پەنج سیفەت یەکێ بی غائیب
دوشمەن جە ئیمان هەم مەبان غاڵب
دوشمەن ئیمان تەمام چەهارەن:
هەوا جە لای ڕاست، نەفس جە یەسارەن
دنیا چە پێش و ئیبلیس جە عەقەب
هەر چوار پەی تەلەف ئیمان جە تەعەب
پەنام دەر بە لوتف «عزيز الغفارعەرەبی»
مەحفووز کەر ئیمان نە شەڕ هەر چوار
«فەقێناسناوی ئەدەبی» بناڵە جە دەرگای «اللهعەرەبی»
بەڵ هەر پەنج سیفەت حەق پێت کۆ عەتا