giftar dir nu’ ayman
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
524 views
me’lûm bo ce lay zumrey ’ezîzan
new’iş sê qîsmen derecey îman
ewweł teqlîdî, duwem îstîdlal
sîyem ḧeqîqîy ferxunde xîsal
teqlîdî bê kesb řenc ustaden
ḧerekeş teqlîd aba û ecdaden
ce ferz û sunnet řesim mu’ekked
nedaro xeber merd muqellîd
merd teqlîdî herçend muslîmen
emma îmanş cay xewf û bîmen
ce îstîdlalî bikerûn beyan
ferz û sunnetiş mezano ’eyan
erkan yeqîn senden ce ustad
be umûr dîn daro î’tîqad
hem wêş şera’ît dîn meko eda
hem ẍeyr ce umûr dîn meko aga
ewkes îmanş megêro quwet
qelbiş řewşenen be nûr sefwet
ḧeqîqî êden ’alem be yek bar
ne wicûd ḧeq bikeran înkar
nîyen teşkîkiş ce zat me’bûd
yeqînen ce laş «wacb alucudArabic»
hem yeqînş hen ce zat û sîfat
ce qeza û qeder ḧeqqen waqî’at
xasteren ḧeqîq ce kulil îman
emsałş îman zumrey enbyan
eḧkam şer’î bestey ’emelen
îman be eḧkam şer’ bê medxelen
nimebo qubûł ’emel bê îman
bê ’emel îman meqbûłen her an
xesman ce meḧşer megêran ’emel
emma be îman nedaran medxel
dir ḧifiz ayman gwîd
ce toy penc qel’e meḧfûzen îman
lazmen her penc bikerûn beyan
yeqîn û îxlas, hem ḧîfiz ḧeya
hem ferz û tekmîl sunnet key eda
her penc ne herkes mewcûd bî her an
ne şeř duşmen meḧfûzen îman
er ney penc sîfet yekê bî ẍa’îb
duşmen ce îman hem meban ẍałb
duşmen îman temam çeharen:
hewa ce lay řast, nefis ce yesaren
dinya çe pêş û îblîs ce ’eqeb
her çwar pey telef îman ce te’eb
penam der be lutif «’izîz alẍifarArabic»
meḧfûz ker îman ne şeř her çwar
«feqêPen name» binałe ce dergay «alilhArabic»
beł her penc sîfet ḧeq pêt ko ’eta