واقعه‌ی انکار سلطان مصر از شب معراج نبی ﷺ

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 2 خولەک  487 بینین
شنەفتم جە وەقت مروور زەمان
جە ملووک میسر یەک جە ئەمیران
جە شەو میعراج مونکیر بی هەردەم
هەر ڕۆ عولەمای زاهیر مەکەرد جەم
مەوات پەنەشان ئەمیر زەمان:
جە شەو میعراج ئیقناعم کەران
ڕای چەن هەزار ساڵ، غەیر جە لامەکان
نەبی بە یەک شەو چۆن لواو ئامان؟!
جە ئایەی ئیسراء جە «قاب قوسينعەرەبی»
هەم نەقڵ حەدیس قودسی جە مابەین
هەرچەند کەردن نەقڵ پەی شاهـ میسری
بەدتەر جە ئەفکار وێش مەبی دەهری
بە عیلم ڕەسمی هیچ ناما بە دام
جە ماخۆلیای فیکر ئەمیر بی سەرسام
یەکسەر نە چارەی والی بین بێچار
هەم خەجاڵەت بین هەم تەرسان جە کار
نە تەرویج دین کەردشان ئیقدام
سینف عولەما جەم بەستن تەمام
نەک چون عولەمای ئەی وەقت و ئەییام
یەکسەر بە پارەی مەعاش بیەن ڕام
لەقەب قازی بیەن بە ڕەئیس
ئیستە جە قانوون مەکەرۆ تەدریس
مەدرەسان خاڵی عیلم تەعتیلەن
ئیسلام ها جە بەند قانوون زەلیلەن
فتوای شافیعی و ئیمام ئەعزەم
غەزالی بە جوهد مەسئەلەش کەرد جەم
هەم «ابا يوسفعەرەبی» هەم «ابن الحجرعەرەبی»
سازان مەسئەلە بە خوون جگەر
ئیستە و کەلان موجتەهید وەقت
مەکەرۆن ئینشا ئوموور بیدعەت
حەدیس ناڕەوا ناسیخەن ئایەت
مەحکەمە مەحکووم بەند بیدایەت
ناپریۆڵ نە جای موجتەهیدانەن
بەند قانوونش عەدل دیوانەن
تەرەققی مەسنەد هەر ناکەسانەن
بەققالان وەزیر داد و دیوانەن
بێدینان خوڕڕەم، دینداران مەحزوون
تاجران مەسروور، میسکینان زەبوون
ئەهلان بێمەسنەد، نائەهلان مەئموور
شێخان بێبەهرە، سۆفییان مەقهوور
تەرغیب کوففار ئیسلام زەبوونەن
نە جای مەسئەلە بەند قانوونەن
یا حەق! یا عومەر پەرێ عەدل و داد
یا عەلی پەی دەفع عەدوو کەر ئیجاد
یا مەهدی و مەسیح زوو بکەر ئیزهار
ڕەواج دەن بە دین نەبییی موختار
وەرنە دین باتڵ ئیسلام پاماڵەن
نیشانەی سوفیان چەرخ دەججاڵەن
سا «فەقێناسناوی ئەدەبی» بەسەن کۆتا کەر مادە
پەی ماددەی میسری وێت کەر ئامادە
نەی بەند زنجیر چێشەن دەستەڵات
بەر موحەممەد بۆ سەلام و سەلات