waq’ey ankar siltan misir az şib mi’rac nibî ﷺ
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
728 views
şineftim ce weqit mirûr zeman
ce milûk mîsir yek ce emîran
ce şew mî’rac munkîr bî herdem
her řo ’ulemay zahîr mekerd cem
mewat peneşan emîr zeman:
ce şew mî’rac îqna’im keran
řay çen hezar sał, ẍeyr ce lamekan
nebî be yek şew çon lwaw aman?!
ce ayey îsra’ ce «qab qusînArabic»
hem neqił ḧedîs qudsî ce mabeyn
herçend kerdin neqił pey şah mîsrî
bedter ce efkar wêş mebî dehrî
be ’îlim řesmî hîç nama be dam
ce maxolyay fîkir emîr bî sersam
yekser ne çarey walî bîn bêçar
hem xecałet bîn hem tersan ce kar
ne terwîc dîn kerdişan îqdam
sînf ’ulema cem bestin temam
nek çun ’ulemay ey weqit û eyyam
yekser be parey me’aş byen řam
leqeb qazî byen be ře’îs
îste ce qanûn mekero tedrîs
medresan xałî ’îlim te’tîlen
îslam ha ce bend qanûn zelîlen
fitway şafî’î û îmam e’zem
ẍezalî be cuhd mes’eleş kerd cem
hem «aba yusifArabic» hem «abin aliḧcirArabic»
sazan mes’ele be xûn ciger
îste û kelan muctehîd weqit
mekeron înşa umûr bîd’et
ḧedîs nařewa nasîxen ayet
meḧkeme meḧkûm bend bîdayet
napryoł ne cay muctehîdanen
bend qanûnş ’edil dîwanen
tereqqî mesned her nakesanen
beqqalan wezîr dad û dîwanen
bêdînan xuřřem, dîndaran meḧzûn
tacran mesrûr, mîskînan zebûn
ehlan bêmesned, na’ehlan me’mûr
şêxan bêbehre, sofîyan meqhûr
terẍîb kuffar îslam zebûnen
ne cay mes’ele bend qanûnen
ya ḧeq! ya ’umer perê ’edil û dad
ya ’elî pey defi’ ’edû ker îcad
ya mehdî û mesîḧ zû biker îzhar
řewac den be dîn nebîyî muxtar
werne dîn batił îslam pamałen
nîşaney sufyan çerx deccałen
sa «feqêPen name» besen kota ker made
pey maddey mîsrî wêt ker amade
ney bend zincîr çêşen destełat
ber muḧemmed bo selam û selat