timsîl
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
727 views
«feqêPen name» bî yek şêx ne şehir ’ezîm
yek xelîfeş bî ne tekye muqîm
weqit şew be suls exîre yawa
be ’adet wêş xelîfe xêza
meşẍûł bî be zîkir wetir û teheccud
îqamey ta’at, řesim te’ebbud
farîẍ bî ce zîkir xelîfey îrşad
dîdey deřřakey qelbiş bî guşad
wêş be dîdey dił ew şew kerd bîna
waqî’ bî ne şehir sedhezar zîna
seḧer horêza xelîfe be dew
’erziş kerd be şêx waqî’ey ew şew
ew şêx kamîl ama be ẍezeb
wat be xelîfe: mer hey bê’edeb
new mu’arezey nefis emmare
pey çêş be merdî nekerdî çare
çon ce qetił nefis nekerdî cîhad
wey tewr guşaden dîdet ce îfsad
dîdey řoḧanît çunke nabînan
nedyenit be çem îta’ey îḧsan
çun dîdey nefist be şeř meyyalen
cew sebeb ’îsyan xełqit xeyałen
we îlla ney şehir îmşew ta seḧer
sedhezar nefis ne sucdey ekber
be zîkir û sucûd bukay bîm ḧeq
meşẍûł bîn cumle ta weqit şefeq
ne çêş bî ewan nedyenit be çem
nazren qelbit ne feḧşa û sitem
ya xarc ne xet ya biker silûk
ta nefist pî řoḧ meko be memlûk
«feqêPen name» toyş wêney xelîfey mezkûr
dîdey nêk bînît ne dił kerden kûr