«دەستووردانی لاس بە مامە ڕەش و ڕەفیقەکانی بۆ شەڕ»
لە کتێبی:
لاس و خەزاڵ (فیدایی)
بەرهەمی:
مەلا کەریم فیدایی (1928-1993)
1 خولەک
460 بینین
کوژرا کە بە لاس، ئاڵی ئاغا
پەڕ پەڕ گوڵی ئەو دەبوو لە باغا
چل دانە مرۆیی کەوتە جەردە
لەو لەشکری بێ سەرۆکە بەردا
وەک شێر لە پەزگەل و مەڕێدا
دڕیان بە تیپی لەشکەری دا
بۆ قۆشەنە چوون نەماوە سەردار
لەو هانە کراوە کوشت و کوشتا
بە هەڵمەتە مامە ڕەش کە دەیبرد
لەو دوژمنە زۆرە زۆری قڕ کرد
لەشکەر دەشکاو ڕۆیی وەک داڵ
لەو هۆبەیە تێپەڕی بەرەو ماڵ