«ماڵ ئاوایی لاس لە خەزاڵ و چوونەوە بۆ باڵەکان»
لە کتێبی:
لاس و خەزاڵ (فیدایی)
بەرهەمی:
مەلا کەریم فیدایی (1928-1993)
1 خولەک
632 بینین
ئەو لاسە بە یاری شۆخ و قژ کاڵ
فەرموویی ئەوا منیش بەرەو ماڵ
ڕێ دەگرم و ڕوو دەکەم لە گوندم
بۆ ڕێگە بڕین زۆر توندم
زستانە لە گوندی ناو پردان
نایێمەوە ئێرە خۆ بە قوربان
ئیزنم بدە ئەی پەری بەهارێ
گوێ مشکە کە بوو گەڵایی دارێ
من ئەو دەمە دەبمە تەیری گەرمێن
بۆ ئەو کەژ و ئەو چیایی بژوێن
خۆ دێمەوە هەر هەوەڵ هەوارت
بنواڕە بەهارێ تۆ لە یارت