«ئەو ڕۆژە کە پیرە گوڵی بۆ خەزاڵێ بردن، خەزاڵ لە تاوی لاس زۆر پەرێشان بوو»
لە کتێبی:
لاس و خەزاڵ (فیدایی)
بەرهەمی:
مەلا کەریم فیدایی (1928-1993)
1 خولەک
437 بینین
ئەو ڕۆژە کچی نەبی دەبوو کاس
بێواز و کەساس ئەبوو لە بۆ لاس
لەو ماوەیە هەر کەسی بدیبا
لێی تووڕە دەبوو ئەگەر نەبی با
هەروا دەگەڕا لە بۆ بەهانێ
پیر ئەو دەمە ئەو گوڵەی دەدانێ
دەی دی کە گوڵ ئەو خەزاڵە گۆڕا
لەو پیرە دەکەوتە ڕق لە خۆڕا
دەیگوت قەرەواشە وەرنە پێشم
لەو بۆرە زەلامە دڵ بە ئێشم
سەرپاک و لە کارد دەست بەردەن
ئەو پیرە لە تۆز و خۆڵ وەردەن
غەمبارم و گوڵ لە بۆم دێنێ
من پەرتم و دێت و دەمدوێنێ
بێ لاسم و تازە نامەوێ ژین
من بۆچمە غونچە گوڵ دەکەم شین