وتووێژی مامە پیر دەگەڵ ڕەفیقە لاوەکەی لە بارەی ئەو هۆبەیدا
لە کتێبی:
لاس و خەزاڵ (فیدایی)
بەرهەمی:
مەلا کەریم فیدایی (1928-1993)
1 خولەک
477 بینین
ئەو جارە کە پیرە زیرەکی پیر
دیگوت بە جوانی ئەهوەن و ژیر
بڕوانە بە دیدە تۆ بزانە
ئەو هۆبەیە جێگە ماڵی خانە
تێدا هەیە بارەگایی ئاغا
هەر بۆیە ئەوەندە قۆپراغە
هەر هۆبەیی مەزنە گەر لەوێیە
وەک شار دییارە کێ بە کێیە
با ئێمە لە یەک نەفەر بپرسین
لەو هۆبەیە چون غەریب و برسین
ماڵێکی کە حەز بکا لە میهمان
دیاری بە دەس ئەو بکا لە بۆمان
لەو ماڵە بە نەرمی و نەجیبی
دەیکەینەوە توورەکەی غەریبی
بێ قیڕە لەوێ بە شەو هەتا ڕۆژ
ئاسوودە دەچینە خەو هەتا ڕۆژ