جارەکی نەبوو
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
326 بینین
جارەکی نەبوو بیرم کاتەوە
لە شەو ناڵیندا ژیرم کاتەوە
مەستی شەرابی زەنەخدانیم کا
یا بە دوو ئەبرۆی ژیرم کاتەوە
لە سێدارەم دا تەنافی زولفان
لاشە کون کونی تیرم کاتەوە
یان بەندی باغی دوو مەمکی تەڕی
سوور و سپییەکەی میرم کاتەوە
لالووتە لە من دڵم ناداتێ
دەبا حەواڵەی پیرم کاتەوە
سامیناسناوی ئەدەبی هەژاری بەژن و باڵاکەی
لە شاهی عیشقی گیرم کاتەوە