دڵ تۆران
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
488 بینین
ئەی دڵە بۆ ڕەنجاوی بە مەکر و نازی چاوی
نەزانی تازە لاوی لەدوای زولفی خاوی
بەند و زنجیرت ئەکا پاشی لەبیرت ئەکا
غەمبار و پیرت ئەکا بۆچی لە خەودا ماوی
کاتێ دڵی لێ ساندی، جەرگی بە چەنگ پساندی
هەینێ دەزانی ماندی بە شاخانیدا داوی
بە چاوان و دوو ئەبرۆی دەتخاتە ناڵین و ڕۆی
هەر بۆ سەیر و کەیفی خۆی ئاگری لە دڵی بەرداوی
سامیناسناوی ئەدەبی ئەوا وەستاوە لەو مەکر و سیحر و داوە
ئەتۆش خەیاڵت خاوە خۆت باوێیە گەرداوی