ئەی نازەنینەی زوڵف داوداوی
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
445 بینین
ئەی نازەنینەی زوڵف داوداوی
بۆچ مات و مەلوول عاجز داماوی
پێچەت هەڵگرە پەنجەی خوێناوی
بۆ من بە دەرخە بۆچی وا خاوی
ڕێگای سەربەستی و سەربەخۆت زانی
ئەگەر بابانی ئەگەر بۆتانی
هەستە بیر کەوە بۆچی نازانی
لە کوێستانی ژین وا بە جێ ماوی
بە فیکری پیرۆز و بەهۆش و بە گۆش
بنۆڕە خوشکان خاکی وا خامۆش
هەتاکوو کەینێ بە پێچ و سەرپۆش
دەبیە جارییەی ژینی بێ ناوی
بە غەمزە و ناز و بەو دوو چاوانت
بنۆڕە بەیع و شەڕای خۆشکانت
شاخی وڵات و لاوی کوردانە
ناڵەی بابان و چاوی پڕ ئاوی
ئەو خۆشکانەی وا شل شل هەستاوە
بە پیرەمێردی ڕزی فرۆشاوە
دڵ بڕیندار و جەرگ سووتاوە
خەوی نەماوە سامیناسناوی ئەدەبی لە تاوی