بە ڕۆژ و بە شەو کارم گریانە وەکوو مەجنوونی بووم بە دێوانە
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
431 بینین
بە ڕۆژ و بە شەو کارم گریانە وەکوو مەجنوونی بووم بە دێوانە
لە هیجری لەیلا وا لە غەریبی هەر دەناڵێنم پیشەم گریانە
دڵ لە ژینی خۆی وا هەراسانە ئەو دەردی سەرە بۆچی ژیانە
لە داخی ڕەقیب جەرگم سووتاوە دەردی ڕەقیبان گەلێ گرانە
کەوتمە ناو زار و دەردی ڕەقیبان با هەر بناڵم لەگەڵ غەریبان
خۆشیم گرینە، گریانە خۆشیم لە دەردی دوو ڕووی بێ دین و ئیمان
دایم لە زارم ئەوا لە شینم چەندی لە ئازار و چەندی غەمگینم
من لە عیشقی تۆ چەندی بناڵم هەنگین گوشاد و دەڵێم زەنگینم
سامیناسناوی ئەدەبی ڕەقیبان پەشمە لەلامان بۆمە ناڵینە سەروەت و سامان
گەنجە گەدایی حوڕ و سەربەخۆ بۆ ڕۆژی جەزاش ئێمە و خودامان