وتی لە دونیام خۆشیم نەدیوە
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
423 بینین
وتی لە دونیام خۆشیم نەدیوە
لەبەر ئەوانەی بەرگی پۆشیوە
خۆی شاردیتەوە لەناو بەرگی دین
وا بزر بووە لەبێ هۆشیوە
***
ئەمن ناترسیم لە بێ دینەکان
ئەوڕۆ بێ دینن سوبەینێ جودان
چونکی دوو ڕوو نین لە بەرگی دینی
وەک ئەمین دارە نا ئەمینەکان
***
خوایە دوژمنی گشتی دوو ڕووەکان
پیشانمان دەدا بە حوکمی قورئان
دوو ڕووەکانی دین کۆمەڵی دەجال
ئیش دەکەن لە ڕێی جانی بنی جان
***
گەر بەدین نەبم بێ دینیش ناکەم
هەر نەبێ جارێ سامی لە خوا کەم
هەرچەند خراپم چاکەم خۆش دەوێ
کۆمەڵی دەجال بە حەق شا ناکەم