چەندە ناخۆشە دەنگی کەریەتی
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
437 بینین
چەندە ناخۆشە دەنگی کەریەتی
دەبنە شاهیدی بۆ بێ قیمەتی
بۆنی پیسی دێ وەک چەشمەی ئەربیل
زانا وڕ دەکا بێ حەقیقەتی
***
مەخسوودی خودا دەنگی کەر نییە
دەنگی نەزانی و لا ئەساسییە
مێشکی زانایان چاک دەهەژێنێ
چونکە کەریەتیش وەک شەیتانییە
***
لە سامی جەهل بۆ کوێ ڕابکەم
بۆ لای کێ بچم ئیشم چا بکەم
جەهل بمرێنم لەبن پێی بنێم
بۆ خوا لە زانین تا خۆم شا بکەم