میعراجنامە
لە کتێبی:
دیوانی خانای قوبادی
بەرهەمی:
خانای قوبادی (1704-1778)
6 خولەک
1567 بینین
جە شەمع خاوەر، جە شەمع خاوەر
شەوێ ڕۆشنتەر جە شەمع خاوەر
نەغمەی نەسیمش چون دوود مەجمەر
مەبێزا بۆی چین زوڵف بۆ عەنبەر
عەرسەی سەماوات، سەرزەمین جە نوور
مەدرەخشا چون شەمع، تەجەللای کۆی توور
هەواش چون نەسیم، وەنەوشەی چەمەن
مەبەخشا بۆی موشک مودبیرەی خوتەن
ئەو شەو «حَسبَ الحُكمعەرەبی» بەخشەندەی داوەر
سەیید ئەفلاک، نامووس ئەکبەر
چون مورغێ نەبەند قەفەس بۆ ڕەها
پەرواز کەرد جە بورج «سدر المنتهيعەرەبی»
زومرەی موکەڕڕەم، مەلائیک سەف سەف
هەر یەک یەک تەبەق، توحفەی نوور بە کەف
چەنی ئەو بوراق، چوون بەرق ڕووی هەور
بە یەک دەم تەی کەرد، جە مەهـ تا بە سەور
زین نوقرەی ئەبیەز، سەرزین حەولەی نوور
یاڵ چون جەعد زوڵف پڕ گرنج حوور
سم چون قورس نوور خورشید ئەنوەر
ناڵ وێنەی هیلال دوو هەفتەی قەمەر
بە حوجرەی شەریف شای «خير الأنامعەرەبی»
بەردشان تەشریف بە سەد ئیحتیرام
سوپادار جەیش، زومرەی ڕۆحانی
«حامل الاحكامعەرەبی»، وەحی ڕەببانی
بە میروەحەی باڵ، ئاڵای بۆ عەنبەر
بێدار کەرد سەیید سالار سەروەر
بە ئەدەب پێش وەند کەلیمەی ئەسرا
پەی سیڕڕ «آيات، ربِّهِ الكُبرَيعەرەبی»
ئاخر وات: یا شەمع بەزم ڕیسالەت!
«قامعُ الأركانعەرەبی»، کوفر و زەلالەت
شای «كثيرُ اللطفعەرەبی»، تەڵەبکارتەن
زومرەی مەلایک ئینتزارتەن
ئەمشەو بە دەوڵەت، «سيّد الكونَينعەرەبی»
عەرش عەزیم کەر، بە فەرش نەعلەین
ڕەسوول ئێد شنەفت، جە «روحُ الأَمينعەرەبی»
خێزا بە سورعەت، نیشت وە پشت زین
مەلایک یەک یەک، شاهانە دەستوور
دەرلاد کەردشان، زەڕفشان جە نوور
سا کە ڕایی بی شای شیرین خیتاب
هەر چوار موقەڕڕەب، گرتشان ڕیکاب
چون نەسیم سوبح، ئاڵای ڕۆح ئەفزا
ڕووشان کەرد نە ڕای «مسجِد الأقصيعەرەبی»
ڕووح پڕ فوتووح، ئەنبیا و ئادەم
کەردەن ئیستیقبال، ئەو شای موکەڕڕەم
چەوگە بە لوتفی پەنای بنیاد خشت
بی بە پێشەوای پێغەمبەران گشت
ئاخر یەک ساعەت بە ئەمر داوەر
یاوا بە مەقام، سپەهر ئەخزەر
خرۆش کەفت نە ئەهل «أعلي عِلِّيينعەرەبی»
ها تەشریف ئاوەرد «فَخرُالعالمينعەرەبی»
جە سومعەی قودسی کەڕووبی کەنیا
کۆس فەزڵ زات، ئەحمەدی ژەنیا
چەند هەزار مەلەک، چەنی «حورُالعَينعەرەبی»
ئاما بە پێشواز شەفیع دارەین
زومرەی ڕۆحانی، قودسیان تەمام
گشت ئامان وە کۆی ئەو خەیرولئەنام
مانگ و خۆر چەنی ناهید و بەرجیس
بۆساشان ڕیکاب، بە ڕەسمێ تەمیس
عەتارۆد دەرلاد، نەخامەی نامیش
ڕەقەم دا بە شای ئینشای غولامیش
شیعرەی یەمانی، چون شیعرای قابڵ
ئینشای مەدحش وەند، بە دید و بە دڵ
سوغرەی مونقەلیب، سەمماک ئەعزەل
هەر دوو بین پابۆس، بەشیر مورسەل
چەنی جەوزا و شوور، عەزراج و زوهەر
وێنەی بەندەگان، بەستشان کەمەر
سا کە باڵاتەر، هەم کەردش عورووج
پا نیا نە خەت «مَنطِقُ البروجعەرەبی»
ستارەی زوحەل، ئەکلیل دڵجۆ
سونبولە و ئەسەد، مەریخ بەدخۆ
بۆساشان ڕیکاب، سەعادەتمەندش
دامان خەرقەی داناپەسەندش
باقی ئەنجوومەن، چەنی سوورەییا
واتن: یا ڕەسوول!بە ئەمر ئەڵڵا
ئاما بە پێشواز، شای شەوکەت لیقا
«تعال يا سلطانعەرەبی»، سیڕڕ سەر واڵا
ئاخر بە فەرمان، لامەکان ماوا
فەڕڕ مەقدەمش بە سیدرە یاوا
جوبرەئیل پێچ وەرد، وێنەی زوڵف یار
عەرز کەرد بە جەناب، سەیید موختار
واتش: «يا رَسول! اللهُ مَعَكعەرەبی
هذا فِراقٌ بَيني وَ بَينَكعەرەبی»
ڕسوول وات: یا بەحر فەزڵ ڕەببانی
تۆ من بە تەنیا، ئەو کۆ مەکیانی؟
جۆبرەئیل واتش: «يا خَيرالبَشَرعەرەبی»
ئەر زەڕێو جەی جا، پا بنیۆ وە بەر
دەرلاد بە شوجاع. شەمع ئاڵای نوور
مەسووچۆن دەرلاد، پەروانەی دەستوور
ڕەسوول ئێد شنەفت جە «روحُ الأمينعەرەبی»
شێویا چون زۆڵف، زەریف موشکین
چون نەسیم جە چین زوڵف بۆ عەنبەر
جە سەواد عەرش عەزیم کەرد گوزەر
مەحرەمان غەیب، دەرلاد بە زەروور
ئاوەردەن پەرێش ژە ڕفڕەف جە نوور
سەوار بی ڕەسوول بە ڕفڕەف، هەی کەرد
عەرسەی لامەکان بە یەک دەم تەی کەرد
وەقتێ بە ئەقسای لامەکان یاوا
لەرزا وێنەی تووڵ، نەوخێز ساوا
ئاما نیدا لێش: خەوف مەکەر جە من
«ادنِ يا محمود! مُجتَبي ادنِعەرەبی»
سا کە ئێد شنەفت، دەرلاد بە عیززەت
یاوا بە مەقام، فەرخوندەی وەحدەت
چەوگە زەبان بەست، یەکسان بی خامۆش
چون مەست موشکین، تەمام بی مەدهۆش
جەو دەمدا وات پێش فەرخوندەی داوەر:
«سَلامٌ عَلَيك يا خَيرُالبَشَر!عەرەبی»
چێشەن موددەعات، من پەی تۆ کەسم؟
عەرز کەر وە جەناب زات ئەقدەسم
ڕەسوول وات: یا حەی «لايَموت سامِععەرەبی»
موبەڕڕا جە شیرک، سەعتی بێ مانیع!
ئیستیدعام ئێدەن جە «يومُ القَرارعەرەبی»
زومرەی ئوممەتم، شوومەن، شەرمەسار
ببەخشی بە فەزڵ بێشومار وێت
بە عەفوو عەزیم کەس نەدار وێت
حەق وات: یا ڕسوول، نادیرەی ئەییام!
تۆنی خۆ شەفیع زومرەی خاس و عام
چونکە من دایم عادەتم عەتان
زات ئەقدەسم، بەخشندەی خەتان
ها بەخشام بە تۆ، ئوممەتان تەمام
وەش ئامای بە خەیر، «باقي والسلامعەرەبی»
ڕەسوول جە موژدە، شادیی یاوا پێش
سوجدە بەرد بە زات، بینای بێئەندێش
موراجەعەت کەرد جە سەفەر بە شەوق
یاوا بە جای وێش، بە سەد شادی و زەوق
یا قەییووم فەرد، مونفەرید بە زات!
نەقشبەند تەسویر کولل مەوجوودات!
بە فەزڵ ڕەسوول ساحێب تەخت و تاج
ئەو شەو بە عیززەت بەردت وە میعراج
خانای قوبادیناسناوی ئەدەبیی خاتر بەڕکەندەن
پەی چی جەی دنیا، عاسی شەرمەندەن؟
ببەخشیش تەقسیر جە «يومُ الحسابعەرەبی»
نەدارۆ تاقەت، ئەشکەنجەی عەزاب
نییەن غەیر جە تۆ ئومێدش بە کەس
جە یاگەی تەنگدا، بە فەریادش ڕەس