لاوی سواری خوردەلووکی
لە کتێبی:
گرد و کۆ
بەرهەمی:
نافیع مەزهەر (1913-1998)
1 خولەک
744 بینین
کوڕە ئاغاکەی دێی خوردەلووکی
بۆچی لێئەخوڕی هەروا بە سووکی
جڵەوی ئەسبت خستە سەری مل
لەسەرخۆ ئەڕۆی بە شل و ولی
خۆت داوەتە دەس ڕەوتی ئەسبەکوێت
بێحاڵ تراو وا کەوتوویتە ڕێت
گورج و وریابە ئاوزەنگی لێدە
سستی و تەمەڵی لەخۆت فڕێدە
قوشقوونت توند و تەنگەت قایم بێ
نەوەک هینەکەی مام برایم بێ
ملی ئەسبەکوێت ڕاسکە و کلکی قیت
تاکوو پێت بڵێن شۆڕەلاو بژیت
باڵابەرزیت و چاوبرۆ مەستی
بۆ بەرزی بڕۆ ڕوو مەکە پەستی
حەیفە ملشۆڕ و مات و سەرکز بی
ئەبێ نموونەی سواری سەقز بی
بە یۆرغە و لۆقە و پڕتاو و قرقاچ
ڕووکەرە یانەی ئارەزوو و ئامانج
تاکوو بەم سوارە و بەم باڵابەرزە
شانازی بکا کاکی شپرزەناسناوی ئەدەبی!