گورفتاری بە نازی چاوی یارێ
لە کتێبی:
دیوانی خادیم (بەرگی ١)
بەرهەمی:
خادیم (1895-1953)
1 خولەک
664 بینین
گورفتاری بە نازی چاوی یارێ
هەزار فیتنەی لە یەک غەمزە ئەبارێ
کەسێ نەیدیوە ئاهوویی خەتایی
بەهەر ساعەت بکا شێری شکارێ
لە هیجرانا شەوو ڕۆژ بێ قەرارم
لە وەعدەی وەسڵی یاری بێ قەرارێ
لە ئەحزانی خەزانی هیجرە ناڵەم
وەکو بلبل لە حەسرەت نەوبەهارێ
وەکو شەونم بەسەر بەرگی گوڵی سوور
لە عارزیا عەرەق وەک دوڕ ئەبارێ
لە ڕێگەی هیجریا نەمدی دەلیلێ
لە عەشقی بەحریا نەمدی کەنارێ
دەناڵێ بۆ ڕوخی گوڵ میسلی خادیمناسناوی ئەدەبی
لە گۆشەی میرغوزاری مورغی زارێ